فرج عامر هيجيب جلـ ـطة للزملكاويه 
مهيب : الاهلي هيلعب كونفدراليه ولا دوري ابطال ؟
فرج عامر : لسه الدوري متحسمش عشان تحكم مين يلعب كونفدراليه ومين يلعب دوري ابطال، لكن خليني اقولك بناء علي خبرتي وبناء علي معطيات شايفها، الاهلي هيلعب دوري ابطال افريقيا، لأن الكاف يهمه جدا أن البطولة تنجح
مهيب: معلش يافندم معني كلام حضرتك أن الاهلي لو طلع تالت هيلعب دوري ابطال افريقيا ؟
فرج عامر: سواء كان أول أو تاني او تالت، يهم الكاف أن الاهلي والفرق اللي ليها شعبيه كبيره جدا تلعب دوري ابطال
مهيب : ماهو الزمالك مش قليل عشان كل سنة يطلع تالت ويلعب كونفدراليه!
فرج عامر: بس لا نُنكر أن اعلي براند موجود في عالم كرة القدم هو النادي الاهلي مع احترامي لنادي الزمالك 
مهيب : موافقك مليون % ، أن الاهلي اعلي براند وموافقك أن البطولة مش هتنجح إلا بجماهيرية الاهلي ،لكن معني كده ان قوانين اللعبة هتتغير ؟
فرج عامر : حضرتك الاتحاد الآسيوي غير قوانين اللعبة لزيادة عدد الفرق المشاركة، والاتحاد الأوربي زود عدد الفرق المشاركة في دوري ابطال اوروبا من ٣ لـ٥ ، والفيفا حريص علي مشاركة الفرق اللي ليها تصنيف عالي عشان تزود دخل كاس العالم وزود عدد الفرق المشاركة من 16 لـ 32
انتو مكبرين الموضوع والقصة بيزنس بحت، والفلوس الكتير بتيجي من مشاركة أكبر براند في مصر وافريقيا والشرق الأوسط.. فا عادي جدا أن القوانين تتغير مش عشان الأهلي ولكن من اجل نجاح البطولة
مهيب : يعني قولاً واحداً الاهلي هيلعب دوري ابطال افريقيا سواء مركز اول أو تاني او تالت؟
فرج عامر : قولاً واحداً
مهيب: يعني الزمالك ياخد الدوري ويروح دوري ابطال افريقيا، والاهلي ياخد مركز تالت ويروح دوري ابطال افريقيا
