انا مصعبش عليا في خروج تونس النهاردة من امم افريقيا غير عصام الشوالي !
الراجل ده صوته اتنبح من اول المباراة ، عمال يقولهم مالي عقدتنا و مكسبنهاش ولا مرة في تاريخ امم افريقيا و اهو بيلعبوا ب 10 لاعبين من الشوط الاول فرصتنا نفك العقده بقي !
و لما تونس سجلت الهدف الاول في الدقيقه 88 فضل يقول ايليييه تونس الي مدينه طنجه لحد ما جاب اخر صوته ، كان فرحان فرحه مش عاديه اللي هو اخيرا هنكسر عقده مالي لحد ما احبط تماما في الدقيقه 96 لما اتحسب ركله جزاء ل مالي !
و في ركلات الترجيح لما مالي ضيعت ركلتين و تونس تفوقت في النتيجة رجع اتحمس تاني و فضل يقول الكرة عايزه تونس و طنجه تنادينا لحد ما سكت تماما و ساب المايك و مشي تقريبا لما تونس ضيعت اخر ركلتين و خسرت !
عصام الشوالي اللي متعنا بتعليقه علي اغلب اللحظات التاريخيه في كرة القدم اتصدم صدمه عمره النهاردة و معرفش يضيف لحظه تاريخيه مع منتخب بلده ، سيناريو مؤسف جدا !
