شوبير: في بطولة ٩٨ .
شوبير: في بطولة ٩٨ في بوركينا فاسو كنت رايح مع المنتخب بس كنت رايح كمعلق كنت لسه مبطل من شوية، وطبعاً راكب الطيارة ومكنش فيها بقي ساعتها سوشيال ميديا كلها كانت جرايد، وكان جنبي حسام حسن والصحافة كانت ماسكه حسام حسن هجوم صعب اوي ، فحاولت اخبي الجرايد عشان ميبصش عليها عشان مكتوب العجوز حسام حسن والجوهري يجامل حسام، المهم شاف اللي مكتوب وقالي شوف الناس عامله معايا وكان زعلان جداً ورديت عليه رد تشجيعي رد عليهم في الملعب، والكابتن الجوهري بيحب حسام جداً وكان مضايق اوي من الصحافة، بدأنا البطولة يقوم ربنا يرزق حسام بهدفين في الماتش الأول والماتش التاني هاتريك باين ، وخد هداف البطولة دي ، ونجح نجاح رهيب وعاش على حس البطولة دي لحد ما روحنا ٢٠٠٦ والكابتن حسن شحاته ضمه للمنتخب عشان يخرجه من الباب الكبير وفوزنا على الكونغو ٤ واصبح اكبر لاعب بيسجل هدف وعمل ارقام غير عادية
