دي بقا مايتقالش عليها عائلة دي يتقال عليها إمبراطورية “ع”إمبراطورية فى الفن جمعت بين الكوميديا والإخراج والاستعراض والجمال والشهرة عبر 3 أجيال ورا بعض؟

الفضة بتبدأ مع الفنان محمد عوض اللي اتولد في العباسية سنة 1932 وكان المفروض يبقى ظابط في البحرية لكن القدر خده لكلية الآداب قسم فلسفة جامعة عين شمس ومن هناك للمعهد العالي للفنون المسرحية وهناك قابل حب عمره الوحيد زميلته قوت القلوب وكانت زميلته في المعهد. اتجوزها وخلف منها 3 ولاد قرروا يكملوا مسيرته بس كل واحد بطريقة مختلفة، الفن عندهم مكنش مهنة ده كان أسلوب حياة.الابن الكبير عادل عوض اختار الإخراج السينمائي وكبر وبقى مخرج كبير واتجوز الفنانة اللبنانية راندا عوض. خلفت منه نجمة الجيل الجديدة جميلة عوض. جميلة بقا رجعت اسم العيلة للواجهة تاني سنة 2016 بمسلسل تحت السيطرة وبقت من أهم نجمات جيلها واتجوزت من سنتين المونتير الشهير أحمد حافظ ابن مدير استوديوهات الأهرام.الابن التاني عاطف عوض الدكتور بمعهد الباليه اللي اختار أصعب مجال وهو تصميم الاستعراضات والرقصات في السينما. اتجوز جوازة قلبت الوسط الفني، اتجوز رانيا فريد شوقي بنت الملك فريد شوقي وخلف منها بنتين زي القمر فريدة وملك عوض اللي بقوا بلوجرز وممثلات وبيشبهوا جدتهم بشكل كبير وانفصاله عن رانيا كان من أشهر قصص الطلاق الهادية في الوسط.الابن التالت علاء عوض اللي شق طريقه كممثل ونجم في التمانينات والتسعينات وشارك في أفلام كتير مهمة وهو اكتر واحد شبه أبوه.علاء اتجوز ٤ مرات وطلق ومخلفش اي اولاد وبيقول ان اولا إخواته زي اولاده، حسب تصريحاته هو.والغريب في عيلة محمد عوض مش بس تنوعها الفني، ده الوفاء اللي فيها، لما محمد عوض مات في 27 فبراير 1997 بعد صراع مع السرطان مراته قوت القلوب مقدرتش تستحمل فراقه وماتت بعده بـ 40 يوم بالظبط من الحزن عليه وكأنها رفضت تعيش من غيره.تفتكروا مين أكتر حد في الأحفاد شايل روح وخفة دم الجد الكبير محمد عوض؟ جميلة ولا ملك وفريدة ؟